احصل على سيناريو الان عبر خمسات
بامكانك اخي القارئ والزائر الحصول على سيناريو ساخر باي لهجة ترغب , مدته 5 دقائق كما لك ان تختار المدة كل هذا باسعار مرضية , سيناريو حصري قابل للتجسيد فلا تقلق من الناحية الحصرية حيث يمكنك الحصول على سيناريو عبر هذا الرابط :
وهذا نموذج من سيناريوهاتنا :
قضية سوناطراك على نهج "شاهد ما شافش حاجة"
مقدم البرنامج : مرحبا بكم مشاهدينا الافاضل ..في خضم الاحداث والوقائع الجارية المتعلقة بفضيحة سوناطراك ومحاكمة ابطالها المزعومين والتي اسالت الكثير من الحبر عبر مختلف المنابر القضائية عفوا الاعلامية .رايحين اليوم نوروكم صدى مثل هذه القضايا لدى الفرد الجزائري ,حيث صادف الميكروفون نتاعنا احد الحوارات اللي كانت جارية باحد المقاهي ..
يسدل الستار على مقهى عام يجلس بها كهلان هما مزيان وبشير ..
بشير يبدوا منغمسا مع مقطع من الانشودة الوطنية " من اجلك عشنا يا وطني " خيرات الشعب نقسمها *** فينـــــا بالعــدل موازينـــــا "
يبادر مزيان بالسؤال :
وش حكايتك خويا مزيان مع الوطنية هذي
بشير : يا خويا راني نتأمل في هذا المقطع , لوكان الشاعر اللي كتبو يحسب الدنيا تولي كما هاك ما كانش كتبها خلاص
مزيان : ما فهمت شراك تقصد في الشاعر ولا الكلمات ولا وشنهو
بشير : اعلاه .ماكش تشوف في خيرات لبلاد كفاش راه صاريلها وحنا مانا فاهمين والو
مزيان : وش من ناحية راك تقصد ,راهي كامل سايبة
بشير : حكاية سوناطراك سمعت بلي راهم سمحولهم ولا رايحين يسمحولهم , قالولهم جيبوا اللي تبقات عندكم والباقي اه الشعب مسامح فيها
مزيان : وانت اعلاش راك معمر راسك بصوالح كما هذو ..ياك ماكل شارب مهني
بشير مقهقها : مزيان اسمك راه يفكرني في مزيان وجماعتو نتاع سوناطراك
مزيان : انا خاطيهم ,انا العلاقة اللي تربطني بسوناظراك هي الطوموبيل نتاعي نمشي نعبيها ليسانس نروح الدارنا
بشير : الشعب كامل علاقتو بسوناطراك كما هاك ,بصح جماعة مزيان وخليل ورضا راهي علاقة كبيرة تفكرني بوحد لحكاية كانو يحكوها الاجداد
مزيان : هذي احكيهالي ناخوك
بشير : كاين وحد السيد كان معزوم في عرس , راح يتغدى مع الجماعة جابولهم الكسكس ومعاه لحم الخروف , كان واحد جالس بجنبو كلا لابار نتاعو وبغى باش يمخخ العظم , شافو صاحبنا يضرب فيه على يدو ,غاضو,قالو خويا هات نوريك كفاش تمخخ العظم , دار صاحبنا العظم في فموا وجبد ليه المخ ,فات المخ للمعدة نتاعو طول ,قالو اسمحلي خويا ماك بيه ماني بيه ..ههههه..
هذي حكاية جماعة سوناطراك ,دارو فيلات وماتريال وراحو للخارج وممبعد جاو باش يحاكموهم ..يا والله ما يديرولهم والو .اتفرت في الشعب وحدو
مزيان : ماكش غالط,انا راني نشوف في المحاكمة نتاعهم كما المحاكمة نتاع عادل امام في مسرحية شاهد ما شافش حاجة
بشير : كلاو كلش وقالو ماشفناش
مزيان : ميم عندنا قضاة ربي يهديهم شايفين كلش بصح يحبو يطيحوا الزريعة من عند غاشي كما شكيب خليل وغيرو
بشير : انا نعرف واحد كان روسوفور في بوسطه سرق منها مليار وممبعد حبسوه خمس سنين وكي خرج جبد المليار اللي كان مخبيه وشرا مدير بوسطة وولى هو المدير نتاعها ..هه تسرق بيضة تدخل عام حبس تسرق بنكا تبات ليلة في الحبس وتولي مدير
مزيان : الدنيا جات على اخمال ,تسرق يديرولك شان , تطيع ربي يقولو موش نورمال
بشير : لوكان هذي القضية كانت في الخارج لوكان راهي فارية بصح عندنا راهم يلهيو فينا برك
مزيان : كاين ربي خويا بشير , ماهو باقي فيها والو لا مزيان ولا شكيب ولا سوناطراك , واللي يقلك الشعب سامح يكذب عليك ,اذا ما خلصنا حقنا في الدنيا نخلصوه في لاخرة
بشير : صح خويا مزيان ,حنا اعلاش رانا مقلقين كما هاك راه ربي يتولاهم واللي كلا حاجة اليوم لازم يخلصها غدوة
مزيان : فكرتني في الماكلة ,راني خرجت بلا فطور من دارنا ,قهواجي , قهواجي ,جيب زوج ميلفاي وزوج كريم
بشير : قهواجي , قبل ما تجيب عاود لغنية اللي قبيل
القهواجي : اسمحلي عمي بشير ,الاغنية راهي كانت في الاذاعة تدور اراهي خلصت , بصح اذا حبيت نغنيلك انا على رايي اللي حبني نخدم قهواجي .
يدخل مقدم البرنامج : عودة اليكم مشاهدينا الافاضل حبينا نطرحو سؤال على سي بشير اللي راها غايضاتو حالة لبلاد.
عمي بشير على حساب ما قال القهواجي انو حاب يغني على رايو ..وشراك تتوقع منو يحكيلك هل الامر معلق بسوناطراك ايضا ام هو ضحية ظروف اجتماعية عامة .
بشير : هذا راني نعرفو وإن كان هو مايعرفنيش مليح ,هذا راه كان اطار في سوناطراك عندنا هنا في لبلاد وممبعد لعبولو في السوق .خرجوه من الخدمة خطرش حب يسربي ليسانس في الازمة نتاع ليسانس اللي فاتت خطرش المعاليم قالولو ما تسربيش.هذا وش كاين
مقدم البرنامج : حبيت تقول انو هو حب يفك ازمة الغاشي ياخي عاقبوه ؟ ياخي لخرين خرطو سوناطراك بما فيها ومادارولهم والو
بشير : هذي سياسة لبلاد وش تحب ,انت اللي راك صحافي لوكان تغلط تخلص..ههه
مقدم البرنامج : يالطيف .انا ماقلت والو .الهربة تسلك امالا .عفوا مشاهدينا الافاضل ياك انا ما قلت والو على جماعة سوناطراك يا ك راكم شاهدين
وهذا نموذج من سيناريوهاتنا :
قضية سوناطراك على نهج "شاهد ما شافش حاجة"
مقدم البرنامج : مرحبا بكم مشاهدينا الافاضل ..في خضم الاحداث والوقائع الجارية المتعلقة بفضيحة سوناطراك ومحاكمة ابطالها المزعومين والتي اسالت الكثير من الحبر عبر مختلف المنابر القضائية عفوا الاعلامية .رايحين اليوم نوروكم صدى مثل هذه القضايا لدى الفرد الجزائري ,حيث صادف الميكروفون نتاعنا احد الحوارات اللي كانت جارية باحد المقاهي ..
يسدل الستار على مقهى عام يجلس بها كهلان هما مزيان وبشير ..
بشير يبدوا منغمسا مع مقطع من الانشودة الوطنية " من اجلك عشنا يا وطني " خيرات الشعب نقسمها *** فينـــــا بالعــدل موازينـــــا "
يبادر مزيان بالسؤال :
وش حكايتك خويا مزيان مع الوطنية هذي
بشير : يا خويا راني نتأمل في هذا المقطع , لوكان الشاعر اللي كتبو يحسب الدنيا تولي كما هاك ما كانش كتبها خلاص
مزيان : ما فهمت شراك تقصد في الشاعر ولا الكلمات ولا وشنهو
بشير : اعلاه .ماكش تشوف في خيرات لبلاد كفاش راه صاريلها وحنا مانا فاهمين والو
مزيان : وش من ناحية راك تقصد ,راهي كامل سايبة
بشير : حكاية سوناطراك سمعت بلي راهم سمحولهم ولا رايحين يسمحولهم , قالولهم جيبوا اللي تبقات عندكم والباقي اه الشعب مسامح فيها
مزيان : وانت اعلاش راك معمر راسك بصوالح كما هذو ..ياك ماكل شارب مهني
بشير مقهقها : مزيان اسمك راه يفكرني في مزيان وجماعتو نتاع سوناطراك
مزيان : انا خاطيهم ,انا العلاقة اللي تربطني بسوناظراك هي الطوموبيل نتاعي نمشي نعبيها ليسانس نروح الدارنا
بشير : الشعب كامل علاقتو بسوناطراك كما هاك ,بصح جماعة مزيان وخليل ورضا راهي علاقة كبيرة تفكرني بوحد لحكاية كانو يحكوها الاجداد
مزيان : هذي احكيهالي ناخوك
بشير : كاين وحد السيد كان معزوم في عرس , راح يتغدى مع الجماعة جابولهم الكسكس ومعاه لحم الخروف , كان واحد جالس بجنبو كلا لابار نتاعو وبغى باش يمخخ العظم , شافو صاحبنا يضرب فيه على يدو ,غاضو,قالو خويا هات نوريك كفاش تمخخ العظم , دار صاحبنا العظم في فموا وجبد ليه المخ ,فات المخ للمعدة نتاعو طول ,قالو اسمحلي خويا ماك بيه ماني بيه ..ههههه..
هذي حكاية جماعة سوناطراك ,دارو فيلات وماتريال وراحو للخارج وممبعد جاو باش يحاكموهم ..يا والله ما يديرولهم والو .اتفرت في الشعب وحدو
مزيان : ماكش غالط,انا راني نشوف في المحاكمة نتاعهم كما المحاكمة نتاع عادل امام في مسرحية شاهد ما شافش حاجة
بشير : كلاو كلش وقالو ماشفناش
مزيان : ميم عندنا قضاة ربي يهديهم شايفين كلش بصح يحبو يطيحوا الزريعة من عند غاشي كما شكيب خليل وغيرو
بشير : انا نعرف واحد كان روسوفور في بوسطه سرق منها مليار وممبعد حبسوه خمس سنين وكي خرج جبد المليار اللي كان مخبيه وشرا مدير بوسطة وولى هو المدير نتاعها ..هه تسرق بيضة تدخل عام حبس تسرق بنكا تبات ليلة في الحبس وتولي مدير
مزيان : الدنيا جات على اخمال ,تسرق يديرولك شان , تطيع ربي يقولو موش نورمال
بشير : لوكان هذي القضية كانت في الخارج لوكان راهي فارية بصح عندنا راهم يلهيو فينا برك
مزيان : كاين ربي خويا بشير , ماهو باقي فيها والو لا مزيان ولا شكيب ولا سوناطراك , واللي يقلك الشعب سامح يكذب عليك ,اذا ما خلصنا حقنا في الدنيا نخلصوه في لاخرة
بشير : صح خويا مزيان ,حنا اعلاش رانا مقلقين كما هاك راه ربي يتولاهم واللي كلا حاجة اليوم لازم يخلصها غدوة
مزيان : فكرتني في الماكلة ,راني خرجت بلا فطور من دارنا ,قهواجي , قهواجي ,جيب زوج ميلفاي وزوج كريم
بشير : قهواجي , قبل ما تجيب عاود لغنية اللي قبيل
القهواجي : اسمحلي عمي بشير ,الاغنية راهي كانت في الاذاعة تدور اراهي خلصت , بصح اذا حبيت نغنيلك انا على رايي اللي حبني نخدم قهواجي .
يدخل مقدم البرنامج : عودة اليكم مشاهدينا الافاضل حبينا نطرحو سؤال على سي بشير اللي راها غايضاتو حالة لبلاد.
عمي بشير على حساب ما قال القهواجي انو حاب يغني على رايو ..وشراك تتوقع منو يحكيلك هل الامر معلق بسوناطراك ايضا ام هو ضحية ظروف اجتماعية عامة .
بشير : هذا راني نعرفو وإن كان هو مايعرفنيش مليح ,هذا راه كان اطار في سوناطراك عندنا هنا في لبلاد وممبعد لعبولو في السوق .خرجوه من الخدمة خطرش حب يسربي ليسانس في الازمة نتاع ليسانس اللي فاتت خطرش المعاليم قالولو ما تسربيش.هذا وش كاين
مقدم البرنامج : حبيت تقول انو هو حب يفك ازمة الغاشي ياخي عاقبوه ؟ ياخي لخرين خرطو سوناطراك بما فيها ومادارولهم والو
بشير : هذي سياسة لبلاد وش تحب ,انت اللي راك صحافي لوكان تغلط تخلص..ههه
مقدم البرنامج : يالطيف .انا ماقلت والو .الهربة تسلك امالا .عفوا مشاهدينا الافاضل ياك انا ما قلت والو على جماعة سوناطراك يا ك راكم شاهدين
يسدل الستار عندما يجمع الصحفي اوراق التقديم ويهم بالخروج
تعليقات
إرسال تعليق
اتمنى اخي الزائر ان يكون تعليقك بعيدا عن اي تجريح وان يتضمن الفائدة جزاك الله خيرا